Қазақстанның әскери қызметшілері Непалда бітімгерлік әлеуетін арттыруда
18 Желтоқсан, 2014 17:21
Непалдың Бирендра бітімгерлік даярлық жөніндегі оқу орталығында қазақстандық әскери қызметшілер алғаш рет болып отырған жоқ, деп хабарлады қорғаныс министрлігі.
«Бирендра БҰҰ тарапынан бітімгерлік даярлық жөніндегі үздік орталық деп танылған. Бұл жерде әскери қызметшілер оқыту бағдарламасын әзірлеу, БҰҰ шеңберіндегі бітімгерлік операцияларды өрістету үшін нұсқаушылар құрамы мен бөлімшелерді даярлау бойынша өз білімдері мен машықтарын толықтырады», - делінген хабарламада.
Құрлық әскерлері Әскери институты «Бейбітшілік үшін серіктестік» оқу орталығының бөлім бастығы полковник Руслан Жақыпов бастаған әскери қызметшілердің сапары Қазақстан Республикасы мен АҚШ қарулы күштері арасындағы 2015 жылғы екіжақты әскери ынтымақтастық жоспары шеңберінде ұйымдастырылып отыр.
