• Басты
  • Ақтөбе облысында 320 орындық балабақша ашылды

Ақтөбе облысында 320 орындық балабақша ашылды

18 Желтоқсан, 2014 12:19
Ақтөбе облысының Мұғалжар ауданының орталығында 320 орынға есептелген жаңа балабақша ашылды, деп хабарлады ішкі саясат басқармасы.

«Самал» балабақшасы «Балапан» мемлекеттік бағдарламасы аясында салынды және заманауи техникамен жабдықталған. Сондай-ақ, білікті мамандармен қамтылған.

ІСБ атап өткендей, бүгінде Мұғалжар ауданында балабақша кезегінде 1149 бүлдіршін тұр, оның 600 - аудан орталығы Қандыағашта. «Самал» балабақшасының ашылуы кезекті айтарлықтай қысқартуға мүмкіндік берді.

Болашақта аудан орталығында 350 орынға есептелген тағы екі балабақшаны салу және 50 орынға арналған мектептердің жанынан екі шағын орталықты ашу көзделген. Оның үстіне келер жылы аталмыш ауданда 600 балаға арналған мектептің құрылысы, Эмба қаласында 320 орынға есептелген балабақшаның құрылысы басталады.

Барлық жаңалықтар