• Басты
  • ШҚО-ның мектепке дейінгі мекемесі 120 орынға толықты

ШҚО-ның мектепке дейінгі мекемесі 120 орынға толықты

18 Желтоқсан, 2014 09:32
Қазақстан Республикасының Тәуелсіздігі күні мерекесінде Өскемен қаласындағы «Азамат» балабақшасына қосымша 120 балаға арналған 4 топ қосылды, деп хабарлайды ШҚО Ақпараттық орталығы.

ҚР Тәуелсіздігі күні мерекесіне орай «Азамат» балабақшасының 2 корпусына қосымша 120 балаға арналған 4 топ қосылды. Кәсіпкер балабақшаны үлкейту үшін іргелес ғимаратты 85 млн. теңгеге сатып алған.

 «Қаламызда мектепке дейінгі 21 мың бүлдіршін бар. Балаларды мектепке дейінгі мекемелермен қамту мақсатында барлық жағдай жасалуда», -деді қала әкімі Темірбек Қасымжанов.

«Балапан»  бағдарламасы арқасында бүгінгі күні Өскемен қаласында 3-6 жас аралығындағы балаларға арналған балабақша мәселесі толығымен шешімін тапты. 

Барлық жаңалықтар