Қазақстан Республикасының Қорғаныс министрі Түркия Премьер-министрімен кездесті
ҚР Қорғаныс министрі түрік үкіметінің басшысымен кездесу кезінде Анкарада Түркияның жоғары әскери басшылығымен болған кездесулер мен түрік әскерінің жауынгерлік дайындығы және қорғаныс-өнеркәсібі кешенімен танысу шаралары екіжақты әскери ынтымақтастықты жандандыруға айтарлықтай қарқын беретінін атап өтті.
« Түркия әскері Солтүстікатлантика альянсы елдері арасындағы ең жетілдірілген және тиімді армия. Қазақстан Республикасының Қорғаныс министрлігі Түркияның қорғаныс ведомствосы және Қарулы Күштерімен арадағы ынтымақтастықты табысты дамытуға үлкен маңыз береді», – деп Әділбек Жақсыбеков атап өтті.
Әділбек Жақсыбеков пен Реджеп Ердоған әскери саладағы қазақ-түрік өзара іс-қимылдары Қазақстан мен Түркия мемлекет басшылары қол жеткізген өзара ынтымақтастық шеңберінде одан әрі де жемісті дами беретініне сенім білдірді.
