Қазақстан алпауыт мемлекеттер санасатын қуатты мемлекетке айналды – Ж.Ерман (Видео)
16 Желтоқсан, 2014 15:31
Белгілі ақын Жүрсін Ерман Тәуелсіздік күні қарсаңында Strategy2050.kz ақпараттық агенттігіне сұхбат беріп, халықты мерекемен құттықтады.
«Сонау көк түріктің заманынан бері, қазақ ел болғалы аталарымыз аңсаған тәуелсіздіктің жолында Алаштың талай арыстары жанын қиды. Осындай қиындықпен келген басты мерекеміз барша қазақстандықтарға құтты болсын. Бұл күн туралы Елбасымыз қолымызға қонған бақыт құсын бағалай білуіміз керек екенін айтты», - дейді ақын.
Оның айтуынша, біз қазір әлемге мәлім мемлекет болдық. Бір кездері Кеңес одағының құрамындағы кішкентай ғана Қазақстан болсақ, қазір әлемдегі алпауыт мемлекеттердің өзі санасатын, экономикамыз дамыған төрт құбыламыз тең мемлекетке айналдық. Дамыған 30 елдің қатарына кіреміз деген арман емес, шындыққа айналды. Осының бәрі тәуелсіздіктің арқасы.
Бауыржан Мұқанов
