Ақтөбе облысында «ЖҚЖК-2020» бағдарламасы бойынша ауылдық 380-нен астам кәсіпкер несие алды
15 Желтоқсан, 2014 18:34
2014 жылы Ақтөбе облысында «Жұмыспен қамтудың жол картасы 2020» бағдарламасы бойынша ауылдық жерлерде бизнесті дамыту бағытында 382 кәсіпкер несие алды, деп хабарлады облыстың ішкі саясат басқармасы.
Қор түрлі бағдарламалар бойынша 1,8 млрд. теңгеге барлығы 752 жоба қаржыландырылды, мыңға жуық адам жұмыспен қамтамасыз етілді.
«Жұмыспен қамтудың жол картасы» бағдарламасы бойынша биылғы жылы біз 382 жоба бойынша несиелер бердік. 509,5 млн. теңгені уақытынан бұрын игеріп, осыған дейін бөлінген несиелерді мерзімінен бұрын қайтару есебінен қосымша 144,7 млн. теңге бөлінді.
Ауыл кәсіпкерлері несиелерді негізінен қоғамдық монша, наубайхана, тігін ательесін ашуға алып отыр. Сонымен бірге олар оны белсенді түрде қайтаруда.
