• Басты
  • Әскери қызметшілер мемлекеттік наградаларға ие болды (Фото)
15 Желтоқсан, 2014 16:38

Әскери қызметшілер мемлекеттік наградаларға ие болды (Фото)

Қазақстанның Тәуелсіздік күні қасаңында ҚР Қорғаныс министрі Иманғали Тасмағамбетов ҚР Қарулы Күштерінің жеке құрамын Қазақстан мемлекеттігінің қалыптасуы мен дамуы тарихындағы айтулы күнмен құттықтап, Елбасы Н.Ә. Назарбаевтың атынан әскери қызметшілерге мемлекеттік наградалар табыс етті, деп хабарлады Қорғаныс министрлігі.
Әскери қызметшілер мемлекеттік наградаларға ие болды (Фото)

«2-дәрежелі «Даңқ» орденімен ҚР Қорғаныс министрінің орынбасары генерал-майор Т. Мұхтаров, сондай-ақ «Шығыс» өңірлік қолбасшылығы әскерлерінің қолбасшысы генерал-майор М. Бектанов наградталды», - делінген хабарламада.

 2- дәрежелі «Айбын» ордені ҚР ҚК Бас штабы Жауынгерлік даярлық департаментінің бастығы полковник Х. Ілиясов пен Радиоэлектроника және байланыс әскери-инженерлік институтының бастығы полковник К.Садықовқа табыс етілді.

Сонымен қатар 2-дәрежелі «Айбын» орденімен қаза тапқан офицерлер – 21751 әскери бөлімінің командирі полковник Е.Науанов пен штаб бастығы полковник Д. Горбунов наградталды. Жоғары кәсіби шеберлігі мен әскери қызметті үлгілі атқарғаны үшін Әуе қорғанысы күштері бас штабы бастығының орынбасары – ӘҚК бас қолбасшысы басқармасы штабы Ұйымдастыру-жұмылдыру бас басқармасының бастығы полковник К. Ахметов «Құрмет» орденімен атап өтілді. Бірқатар әскери қызметшілер «Ерлігі үшін», «Жауынгерлік ерлігі үшін» медальдарымен наградталды.

20-дан астам әскери қызметшіге кезекті әскери атақтар мерзімінен бұрын берілді. Олардың қатарында 85395 әскери бөлімі мотоатқыштар батальонының командирі капитан Ж. Сатқынов, 68665 әскери бөлімі барлау ротасының командирі аға лейтенант Е. Қалиев, 30212 ә/б оқу танк взводының командирі Г. Шортанбаевтар бар.
 

Барлық жаңалықтар