Халықаралық бағдарламалар орталығының қызметкерлері ҚР БҒМ ведомстволық наградасымен марапатталды

«Болашақ» халықаралық стипендиясының ресми әкімшілігі қызметкерлерін марапаттай отырып Орталық президенті Ғани Нығыметов Тәуелсіздіктің 23 жылдығында дамудың жоғары көрсеткішіне қол жеткізгенімізді ерекше атап өтті. Соның ішінде ол білім саласының да тасы өрге домалағанын тілге тиек етті.

Хабарламада айтылғандай, ҚР Білім және ғылым министрлігінің «Ы.Алтынсарин» төсбелгісімен Халықаралық бағдарламалар ортылығы президентінің кеңесшісі Б.Атыбай марапатталса, «Қазақстан Республикасы білім саласының құрметті қызметкері» төсбелгісі Еуропа елдері бөлімінің басшысы А.Әубәкіроваға берпілді.

Орталықтың қызметкерлері, атап айтар болсақ, Д.Ғалиеваға, Л.Васильенкоға, Е.Қамзебаевқа, Г.Қалауоваға, А.Саменқұловаға, Г.Салықоваға, С.Баймурзинаға Орталықта ұзақ уақыт бойы еткен еңбегі мен Қазақстан Республикасы білім беру саласын дамытуда жасаған жұмысы үшін құрмет грамоталары табысталды.