Алматыда 2015 жылы мамандандырылған Үміт үйі ашылады

««Бауыржан» қорының негізгі жобаларының бірі мүмкіндігі шектеулі балаларға арналған Үміт үйінің құрылысы болып табылады. Бұл - балаларды тастап кететін жетімдер үйі емес, арнайы мамандардырылған балабақша. Өздеріңіз білетіндей отбасында ерекше балалар пайда болғанда аналар көптеген проблемалармен кездеседі», - деді Ж.Омарбекова.

Ол толықтырып өткендей, Әйелдер ісі бойынша ұлттық комиссияның қолдауымен пилоттық жоба 2015 жылы Алматыда іске қосылады. Мамандандырылған мектепке дейінгі мекеме 50 орынға есептелген.

«Ерекше балаларға арналған мамандандырылған балабақша аналардың көптеген проблемаларын шешеді. Балабақша ақылы болады. Оның құны мемлекеттік балабақша құнынан аспайды. Біз бұл тек жалғыз балабақша болмаса екен дейміз. Мұндай мекеме Қазақстанның барлық аймақтарында ашылса деп едік. Бұл бала бақша әр қашан мемлекеттік немесе демеушілердің қаржысы есебінен жұмыс істей алады»,- деп толықтырды ол.

Қайырымдылық қорының негізін салушы атап өткендей, мұндай мекеменің жұмыс істеуі үшін айына 5-7 млн теңге керек.

Камила Амирова