Қазақстанда бас бостандығынан айырылғандардың саны 3 есе азайды - Әбдіхалықова

 «Көптеген елдердің абақтыларында жоғары технологиялы өндіріс ошақтары жұмыс істейді. Оларда еңбек міндеттелген және кәсіпорындар салықтық жеңілдіктерге ие болады. Жұмыспен қамту сотталғандарды қамтамасыз етудің басты шарты болып табылады. Осылайша жазасын өтеушілерді жұмыспен қамтудың әлеуметтік және экономикалық әсері бар. Тәуелсіздік алғаннан бері Қазақстан құқықтық қарым-қатынас саясатын жеңілдетуге айтарлықтай көңіл бөліп келеді», - деді сөз басында Гүлшара Әбдіхалықова.

Оның айтуынша, бұл мақсатта елеулі қадам ағымдағы жылы жаңа ҚК, ҚҚК және ҚТК қабылданды.  Сонымен қатар елімізде жазасын өтеушілер саны жайлап азайып келеді. Тәуелсіздік жылдары олардың саны 140 мыңнан  48 мың адамға азайды.

«Егер 90-жылдары түрмеде жазасын 140 мың адам өтесе, ағымдағы жылы  48 мың адам бар. Тәртіпке салудың жаңа түрлері пайда болуда», - деп атап өтті Г.Әбдіхалықова.