Елордалық ІІД мереке күндері Астана тыныштығын қамтамасыз етеді
12 Желтоқсан, 2014 18:49
Құқықтық тәртіпті қамтамасыз ету мақсатында елордада Тәуелсіздік күніне орай «Құқықтық тәртіп» жедел-алдын алу шаралары жүргізілуде, деп хабарлады Астананың ІІД.
« «Құқықтық тәртіп» кең ауқымдағы алдын алу шараларына 2,5 мыңнан астам құқық қорғау органдарының қызметкерлері мен ҚР Ұлттық гвардиясының әскерилері жұмылдырылған. Көп пәтерлі үйлердің аулаларында, демалу орындары көп орналасқан аудандар мен өзгеде адамдар көптеп жиналатын аймақтарда патрульдік қызмет ұйымдастырылған», - делінген хабарламада.
Автокөлік қылмыстарын, қару және тыйым салынған заттар тасымалын алдын алу үшін «Рубеж» 6 стационарлық бекеттерде жол-патрульдік полиция мен бірге өзгеде арнайы құқық қорғау органдарының қызметкерлері кезекшілік етеді. Жалпы, мереке күндері жол-патрульдік полиция қызметкерлерінің жұмыстары күшейтіледі.
