ҚР Тәуелсіздік күніне орай Польшада Қазақстанның жетістігі таныстырылды

«Өз құттықтау сөзінде Қазақстан Республикасының Польшадағы Елшісі Ерік Өтембаев мемлекетіміз егемендікке қол жеткізгеннен бергі саяси және әлеуметтік-экономикалық дамуындағы табыстарға тоқтала келе, мерекелі кешке жиналған қонақтарды ҚР Президенті Н.Ә.Назарбаевтың 2014 жылғы 11 қарашадағы «Нұрлы жол – болашаққа бастар жол» Қазақстан халқына Жолдауының басты қағидаларымен таныстырды», - делінген хабарламада.

Қабылдау шеңберінде Қазақстанның жетістіктері туралы деректі фильмі мен түрлі бейнесюжеттер көрсетіліп, «Қазақстан – тәуелсіздік жылдарында» атты фотокөрме ұйымдастырылды, сондай-ақ Қазақстан туралы ақпараттық материалдар таратылды. Қазақстандық студенттердің орындауында қазақ ұлттық әуендері шырқалды.

Сейм төрағасының орынбасары Э.Гжешчик, бұрынғы Премьер-министр К.Марцинкевич, бұрынғы вице-Премьер-министр – Білім министрі Р.Гертых, Қоршаған ортаны қорғау вице-министрі С.Гавловский, сенаторлар П.Жентарский мен Г.Войчеховский ҚР Президенті Н.Ә.Назарбаевтың «Нұрлы жол – болашаққа бастар жол» Қазақстан халқына Жолдауы туралы жылы лебіздерін білдіріп, Елшілік пен Қазақстан халқын Тәуелсіздік күнімен құттықтады.