ҚР Энергетика министрі В.Школьник азаматтарды қабылдады

Аталып өткендей, қабылдауға 10 адам жазылған. Өтініш берушілердің арыздары  ТКШ, сумен қамтамасыз ету, көлікті баламалы отынға алмастыру, медмекемелерді қайта құру сынды мәселелерге байланысты болды. «Атап айтар болсақ, Шығыс Қазақстан облысының тұрғындары министрден медицина саласының жас мамандарына баспана бөлу мәселесін шешуде көмектесуді сұрады. Бүгінде ШҚО-да мамандар тапшылығы 157 адам», - делінген хабарламада.

В.Школьник атап өткендей, білікті маманға үйде және жұмыста табылады. Сонымен, №1 қалалық аурухананың аумағында жас мамандарға арналған жатақхананың құрылысы бойынша алғашқы жұмыстар басталды.

«Экокелісім» қауымдастығының президенті Татьяна Чернышова болса №2 қалалық аурухана ғимаратын күрделі жөндеуден өткізу қажеттілігін көтерді. Бұл мәселеге жауапты облыстық денсаулық сақтау басқармасының мамандары берді. «№ 2 аурухананы жөндеуден өткізу үшін 54 млн теңге бөлінді, бұл қаржы аталмыш нысанның шатырын жөндеуге жұмсалды», - деп түсіндірді облыстық денсаулық сақтау басқармасы бастығының орынбасары Сауле Мукушева.

Жалпы кездесу барысында министр әр өтініш бойынша заңдық тұрғыда түсініктеме бере отырып, әр  жауапты органдарға тапсырма берді.