Сенат депутаты БҚО-да ҚР Президентінің Жолдауын түсіндіруде
12 Желтоқсан, 2014 15:18
Президент Н.Ә.Назарбаевтың «Нұрлы жол – болашаққа бастар жол» Жолдауын түсіндіру жөніндегі республикалық ақпараттық-насихат тобының аясында Қазақстан Республикасы Парламенті Сенатының депутаты Ерболат Мұқаев Батыс Қазақстан облысындағы Сайхын ауылының тұрғындарымен кездесті, деп хабарлады Сенаттың баспасөз қызметі.
Сенатор Е. Мұқаев Мемлекет басшысы Жолдауының ерекшеліктеріне тоқталды. «Геосаяси дағдарыс пен жетекші державалардың санкциялық саясаты әлемдік экономиканы қалпына келтіруде қосымша кедергілер туындатуда», - деген сенатор Елбасы Жолдауының ережелерін атап өте келіп, бұл жағдайдағы еліміздің банк жүйесінің жұмысы, несие мәселелерінің шешілуі туралы хабардар етті.
