Мемлекет басшысының Жолдауы ұлттық мүдденің барлығына жауап береді – Жақсылықов
12 Желтоқсан, 2014 17:49
Шығыс Қазақстан облысында Президент Жолдауының негізгі тұстарын түсіндіру бойынша ақпараттық-түсіндіру тобы өз жұмысын бастады, деп хабарлады өңірдің ақпараттық орталығы.
«Мемлекет басшысының Жолдауы ұлттық мүдденің барлығына жауап береді. Сол себепті ол халық арасында тез қабылданып, қолдау тапты. ҚР Президенті өз Жолдауында Отанымыздың дамуы жолындағы қадамдардың атын атап, түсін түстеп көрсетіп, Қазақстан экономикасының даму кілтін ұсынды. Жолдаудың іске асырылуы – Қазақстан азаматтарының мойындарына белгілі бір деңгейде жауапкершілік жүктейді», - дейді ҚР ұлттық экономика вице-министрі Тимур Жақсылықов.
Түсіндіру тобы мүшелері Мемлекет басшысының алға қойған әлеуметтік-экономикалық саладағы міндеттемелерін талқылады.
Сонымен қатар, топтың энергетикалық және машина құрастыру салалары, ШОБ өкілдері мен жұртшылықпен кездесуі жоспарланған.
