12 Желтоқсан, 2014 10:18

«Нұрлы Жол» Жолдауында Қазақстанның даму бағыты көрсетілген – Божко

Президенттің Қазақстан халқына «Нұрлы Жол – болашаққа бастар жол» Жолдауын түсіндіру бойынша Қазақстан Республикасы ішкі істер министрінің орынбасары Владимир Божко бастаған республикалық ақпараттық топ Солтүстік Қазақстан облысына келіп жетті.

Петропавлға ат басын тіреген В.Божко Ішкі істер департаментінде болып, онда министрліктің аймақтық бөлімшесі ұжымымен кездесті. Департаменттің басшылығы мен жеке құрамымен кездесу барысында Владимир Божко Мемлекет басшысы Жолдауында айтылған Қазақстан дамуының басым бағыттары мен оны орындауда ведомство мойнына жүктелетін міндеттемелері туралы баяндама оқыды. Баяндамада департаменттің автожолдарда қауіпсіздікті қамтамасыз ету, облыстың көлік-тасымал инфрақұрылымының апатсыз қызмет етуі бойынша жұмыс істеу керектігі айтылды. Вице-министр сонымен қатар Қазақстанның бай әлеуетін инновациялық бағдарламаларды іске асыруда пайдалану мен өңірдің өнеркәсіптік және ауыл шаруашылық мүмкіндіктерін пайдалану маңыздылығын атап өтті.

«Кезекті Жолдауында Елбасы Отанымыздың дамуына жол ашатын бағыт-бағдар берілген. Мен облыс халқын «Нұрлы Жол» жаңа экономикалық саясатын іске асыруға шақырамын», - дейді министр орынбасары.

Сонымен қатар, В.Божко № 1 өрт сөндіру бөлімшесі жұмысымен танысты. Онда өрт сөндіру мен апатты жағдайларды жоюда пайдаланылатын апаттық-құтқару техникасы мен құрылғылары таныстырылды.

Барлық жаңалықтар