12 Желтоқсан, 2014 09:32

ШҚО-да «500 кВ-тық Солтүстік-Шығыс-Оңтүстік транзитінің құрылысы» жобасы қарқынды жүзеге асырылуда - Школьник (ФОТО)

Шығыс Қазақстан облысында «Екібастұз-Семей-Өскемен» және «Семей-Ақтөбе-Талдықорған-Алматы» бағыты бойынша жоғары вольтты желілердің құрылысы қарқынды жүргізілуде, деп ағынан жарылды ҚР Энергетика министрі Владимир Школьник «Нұрлы Жол-Болашаққа бастар жол» халыққа Жолдауының негізгі бағыттарын түсіндіру аясында еңбекші ұжыммен өткен кездесуде.

Ол атап өткендей, Мемлекет басшысының жаңа экономикалық саясат бағдары ретіндегі «Нұрлы жол» атты Жолдауына сәйкес нақты тапсырма - «Екібастұз-Семей-Өскемен» және «Семей-Ақтөбе-Талдықорған-Алматы» бағыты бойынша жоғары вольтты желілерін салу міндеті қойылды.

Аталған жоғары вольтты желілер ірі ауқымды «500 кВ-тық Солтүстік-Шығыс-Оңтүстік транзитінің құрылысы» жобасының құрамдас бөлігі болып табылады. Жоба ұзындығы шамамен 1500 км болатын 500 кВ-тық жоғары вольтты электр жеткізу желілері мен 500 кВ-тық үш жаңа Семей, Ақтоғай және Талдықорған қосалқы станцияларын қамтиды. Жоба екі кезеңмен жүзеге асырылатын болады және 2018 жылы аяқталады. Жобаның құны шамамен 120 млрд. теңге.

«Электр энергия тапшылығы проблемасын шешу үшін Екібастұз-Семей-Өскемен электр энергия тарату желісінің құрылысы жобасы жүзеге асырылуда. КЕGOC-тың жеке қаржысынан бөліп отырған инвестиция көлемі - 43,50 млрд теңге. Желі 500 Кв есептелген және аймақты электр энергиямен қамтамасыз ету көлемін 540 КВт-қа арттырып, ШҚО-да тау металургия кешені мен Ақтоғай ТБК дамытуға қолайлы жағдай жасайды. Екінші жоба Семей -Ақтөбе- Талдықорған - Алматы желісінің құрылысы. Оған 8,5 млрд теңге жеке қаржы мен КЕGOC-тың «Халықтық ІРО» бағдарламасы аясындағы шығарылған инфрақұрылымдық облигациялар арқылы - 68 млрд теңге қарызға алынады», - деді энергетика министрі.

ШҚО-ның Ақпараттық орталығының мәліметі бойынша, құрылыс кезеңінде 1,8 мыңнан астам жаңа жұмыс орындары, ал жоба аяқталған бойда - 97 тұрақты жұмыс орны ашылатын болады.

ҰСЫНЫЛАДЫ

Барлық жаңалықтар

дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды