• Басты
  • Ұлттық қорғаныс университетінде әскери тарихшыларды дайындайтын тұңғыш кафедра ашылды (Фото)

Ұлттық қорғаныс университетінде әскери тарихшыларды дайындайтын тұңғыш кафедра ашылды (Фото)

11 Желтоқсан, 2014 16:18
ҚР Тұңғыш Президенті – Ұлт көшбасшысы атындағы Ұлттық қорғаныс университетінде әскери тарихшыларды даярлау жөніндегі мамандандырылған әскери кафедра – соғыстар тарихы және әскери өнер кафедрасының салтанатты ашылуы болды, деп хабарлады Қорғаныс министрлігі.

«Бұл кафедра еліміздегі әскери тарихшы кадрларды даярлайтын бірден-бір кафедра болғандықтан оның ашылуы Қазақстан Республикасының әскери білімі мен әскери ғылымы үшін маңызды оқиға саналып отыр. ҚР әскери тарихы тұтас алғанда әскери ғылым отандық ғылымның дамып келе жатқан саласы. Аталған кафедраның маңызы оның алдына қойылған міндеттерге байланысты арта түсетін болады», - делінген хабарламада.

Кафедра PhD доктарантурасында «Әскери тарих» мамандығы бойынша кадрлар даярлайтын болады, бұл оқу бағдарламасын кеңейту мен тереңдетуді көздейді. Ұлттық қорғаныс университетін дамыту тұжырымдамасында «Қазақ және орыс тілдерінде оқытылатын әскери тарих» мамандығы бойынша магистратуға іріктеу жоспарланған. Осындай оқу бағдарламасының әзірленуі 2 жыл ішінде тұтас жоғары тарихи және жоғары әскери білімі бар маман қалыптастыруы тиіс.

Кафедра соғыс ардагерлерімен кездесулер өткізіп, әскери-тарихи мұражайлар мен мемориалдарға экскурсиялар жасайды. Кафедраның профессорлық-оқытушылық құрамы болашақта жекелеген тақырыптар бойынша сабақтар өткізу үшін көрнекті ғылым, мәдениет және өнер қайраткерлерін шақыратын болады. Сонымен қатар алдыңғы қатарлы оқу орындарының тарих факультеттерімен, ҚР ғылыми және мұрағаттық мекемелерімен байланысты дамытуға үлкен көңіл бөледі.

Қазірдің өзінде тарих пәні бойынша сабақтар магистранттармен, докторанттармен, даярлық курсының тыңдаушыларымен жүргізіліп отырғанын атап өткен жөн. Ал кафедраның алғашқы түлектері 2015-2016 оқу жылында бітіріп шыға бастайды.

 

Барлық жаңалықтар