• Басты
  • Қазақстанда бас бостандығынан айырылғандардың жартысынан көбі ақылы жұмыспен қамтылған (Брифинг бейнебаяны)

Қазақстанда бас бостандығынан айырылғандардың жартысынан көбі ақылы жұмыспен қамтылған (Брифинг бейнебаяны)

11 Желтоқсан, 2014 14:17
ҚР-да бас бостандығынан айырылғандардың 50%-дан астамы ресми түрде ақылы жұмыспен қамтылған, деп хабарлады ОКҚ өткен брифингте ҚР Бас прокуратурасы департаменті бастығының орынбасары Берік Жақаев.

«Бүгінгі таңда Қазақстанның абақтыларында 42 мың жазасын өтеуші бар, олардың 27 мыңы немесе 62% еңбекке жарамды. Алайда олардың ресми түрде ақылы жұмыспен 52%  қамтылған», - деп мәлімдеді Б. Жақаев.

Берік Жақаевтың айтуынша, бүгінде абақтыға шағын бизнесті тарту ұсынылуда.

«Біздің келесі ұсынысымыз жаңа жұмыс орындарын ашу үшін түрмеге жеке бизнесті тарту. Егер біз бизнес үшін қолайлы жағдай жасайтын болсақ онда олар инфрақұрылымға ақша салады, заманауи техниканы орнатады. Еңбек - адамды тәрбиелеу құралы, сондықтан да біз олардың қызығушылығын тудыруымыз керек», - деді ол.

Бұдан басқа, Б. Жақаевтың сөзіне сенсек, Қазақстанда сотталғандар мен бостандыққа шыққандар үшін арнайы оқу құралы жасақталған.

«Жүз кәсіп бойынша арнайы оқу құралы жасақталған, онда әр кәсіпке 2-3 бет берілген және олардың қыр-сыры, оларды қалау ашуға болатыны және экономикалық есеп жайлы жан-жақты ақпарат беріледі. Айта кетерлік жайт,  онда жазасын өтеушілерге бос уақытын қалай өткізуге болатыны туралы көптеген идеяларға толы арнайы бөлімдер де бар», - деп түйді Б. Жақаев.

Индира Кауметова

Барлық жаңалықтар