ҚХР-да Қазақстан - Қытай қарым-қатынасын дамыту туралы меморандумға қол қойылды
11 Желтоқсан, 2014 14:48
Қызылорда облысының делегациясы облыс әкімі Қ.Көшербаевтың төрағалығымен Қытайға барды. Аймақ басшысы Нинся автономды ауданының губернаторы Лю Хуэймен кездесіп, сауда-экономикалық ынтымақтастықты дамытуға байланысты меморандумға қол қойды, деп хабарлады облыс әкімдігі.
Екі өңірдің байланысы Қазақстан-Қытай арасындағы достастықты арттыра түспек. Бұл байланыс қос тарап үшін де мол мүмкіндік береді. Облыс әкімі Қ.Көшербаев Қызылорданың даму келешегі туралы баяндап, алдағы жоспарларымен бөлісті. Сапар барысында қызылордалық делегат Нинся автономды ауданындағы ірі кәсіпорындарды аралап көрді. Әсіресе, металлургия саласында жұмыс жасап жатқан өндірістерге ерекше назар аударды. Сонымен қатар, қатайлықтар индустриалды аймақ, мұнай-химия кешені бағытындағы тәжірибелерімен бөлісті.
Алдағы уақытта екі өңір әлеуметтік-экономикалық әріптестік байланыста тығыз жұмыс жасауға ниетті екендіктерін білдірді.
