Қазақстан Парламенті Салық істері бойынша әкімшілік көмек туралы келісімді ратификациялады (Фото)

11 Желтоқсан, 2014 11:06

Парламент Сенаты Қазақстан Республикасының «Салық істері бойынша өзара әкімшілік көмек туралы конвенцияға өзгерістер енгізу туралы Хаттамаға енгізілген түзетулермен Салық істері бойынша өзара әкімшілік көмек туралы конвенцияны ратификациялау туралы» Заң жобасын қабылдады.

«Қазіргі таңда Қазақстан 6 елмен ақпарат алмасу туралы Келісім мен екі жақты салық салудан қашудың 46 екіжақты конвенциясы негізінде шет елдік мемлекеттермен салықтық ақпарат алмасуда. 2013 жылы Қазақстан 175 сұраныс жіберіп, шет елдердің салық қызметі туралы 182 сұрау қабылдады. Аталмыш конвенцияның мүмкіндігі шектеулі. Ол тек корпоративті және жекелеген табыс салығына ғана тиесілі. Ақпарат алмасу жазба сұраныстар негізінде ғана жүзеге асырылады», - дейді Қазақстанның қаржы министрі Бақыт Сұлтанов.

Конвенцияға қосылу салық салу саласында әкімшілік көмектің кең ауқымды тарауына, шет елден алынған Қазақстан Республикасы резиденттерінің табысы туралы ақпарат алмасу шараларын атқаруға мүмкіндік бермек. Сонымен қатар бір реттік салықтық тексеру жүргізудегі резиденттері мен резиденттері еместерден төленбеген салық пен өзге де міндетті төлемдерді алуға жол ашады.

«Аталмыш халықаралық келісімге 66 мемлекет пен 16 офшорлық ұйымдар қосылған. Қазақстанның аталмыш елдермен жалпы тауар айналымы 2013 жылы 125 млрд долларды құрады. Бұл жалпы сыртқы сауданың 93 пайызын құрайды. Бұл өз кезегінде Страсбург конвенциясы аясында аталмыш елдердің салық қызметімен байланыс құру мүмкіндігіне ол ашпақ», - дейді министр.

Камила Амирова

Барлық жаңалықтар