Италия Қазақстанның халықаралық бастамаларына қолдау білдірді

10 Желтоқсан, 2014 18:21

Италия Қазақстанның халықаралық бастамаларына қолдау білдірді.Бұл туралы ҚР Сыртқы істер министрінің бірінші орынбасары Рәпіл Жошыбаев пен Италия Сыртқы істер министрінің орынбасары Лапо Пистеллидің арасында болған кездесуде мәлім етілді.

Италия үкіметінің мүшесі өз сөзінде Қазақстан Италияның өңірдегі басты әріптесі екенін айтты және Қазақстанның халықаралық бастамаларына қолдау білдірді.

Италия Республикасының Мәдени мұра және туризм министрлігінде болған келіссөз барысында Р.Жошыбаев Қазақстанның «Нұрлы жол» жаңа экономикалық саясаты және Қазақстанда туризмді дамыту жөнінде атқарылып жатқан жұмыстар туралы әңгімелеп берді. Тараптар туризм саласындағы бірлескен жобалардың жүзеге асыру, екі ел арасында тікелей әуе қатынасын ашу және Италияда Қазақстанның туристік әлеуетін кеңінен таныстыру мүмкіндіктерін талқылады.

Кездесу қорытындысы бойынша 2015 жылғы қаңтарда өтетін екі елдің Үкіметаралық комиссиясының отырысында «Астана ЭКСПО-2017» ұлттық компаниясы мен Италияның туристік қоғамдастығы арасындағы ынтымақтастық туралы келісімге қол қою туралы келісім жасалды.

Барлық жаңалықтар