Италия ЭКСПО-2017 көрмесіне шақырылды
10 Желтоқсан, 2014 18:10
9-10 желтоқсанда ЭКСПО-2017 Комиссары –ҚР Сыртқы істер министрінің бірінші орынбасары Рәпіл Жошыбаев басқарған қазақстандық делегация Италия Республикасы мен Ватикан Мемлекетінде жұмыс сапарымен болды.
Сапар аясында Италия Республикасы Сыртқы істер министрі Лапо Пистеллимен және Италия Республикасы Мәдени мұра және туризм министрі Дарио Франческинимен екіжақты кездесулер өткізілді.
Әңгіме барысында тараптар әлемдік жкономикадағы жағымсыз жайттарға қарамастан екі ел арасындағы сауда-экономикалық ынтымақтастықтың біртіндеп дамып келе жатқанын атап өтті. ЭКСПО-2017 комиссары Қазақстан Президенті Нұрсұлтан Назарбаевтың атынан көрмеге қатысуға шақырған хатты тапсырды.
Сондай-ақ италияндық компанияларды ЭКСПО-2017 тарту, тәжірибе алмасу және Қазақстанның Миландағы ЭКСПО-2015 көрмесін қатысу жайы да сөз болды.
