• Басты
  • Қазақстанда әйелдер арасында ақпараттық-түсіндіру жұмыстарын жүргізетін жоба жүзеге асты (Брифинг бейнебаяны)
10 Желтоқсан, 2014 16:53

Қазақстанда әйелдер арасында ақпараттық-түсіндіру жұмыстарын жүргізетін жоба жүзеге асты (Брифинг бейнебаяны)

Қазақстанда әйелдер арасында ақпараттық-түсіндіру жұмыстарын жүргізетін жоба жүзеге асты, деді Іскер әйелдер қауымдастығының президенті Раушан Сәрсембаева.
Қазақстанда әйелдер арасында ақпараттық-түсіндіру жұмыстарын жүргізетін  жоба жүзеге асты (Брифинг бейнебаяны)

Денсаулық сақтау және әлеуметтік даму Министрлігінің қолдауымен, Қазақстан іскер әйелдер қауымдастығы әйелдердің әлеуметтік-еңбек аясындағы құқықтары және «Жұмыспен қамту 2020 жол картасына» қатысу мүмкіндіктері туралы хабардарлық деңгейін көтеруге және де жеке іс ашу және жұмысқа орналасу арқылы еліміздегі әйелдердің әлеуметтік ахуалын жақсартуға бағытталған «Әлеуметтік-еңбек аясында әйелдер арасында ақпараттық-түсіндіру жұмысы» атты жобасын бастады.

Қазақстандықтардың лайықты жұмыспен қамтылуы Республикадағы әлеуметтік қорғаудың негізі болып табылады.

«Қазақстанда «Жұмыспен қамту 2020 жол картасы» бағдарламасы жүзеге асырылуда. Оның жүзеге асырылуы бірінші кезекте оқытуға, жұмысқа орналастыруға, жеке іс ашу және оны кеңейтуге, жұмыссыздық деңгейін қысқартуға бағытталды», - деді ол.

Берілген жобаның басты компоненті мемлекеттің түкпір-түкпіріндегі әлеуметтік осал азаматтарға жәрдем беру мақсатында ұйымдастырылған жедел байланыс желісі болып табылады.

«Бұл бастама әйел адамдарды жұмысқа тұру, жұмыстан босатылу, жұмыссыздық, жүктілік, жұмыс берушілермен шиеленіс кезінде өз құқығын қорғау жайлы ақпараттау жұмысына бағытталған. Әсіресе азаматшылардың зейнетке шығу, зейнетақы және әлеуметтік төлемдері, өз кәсіпорнын ашу мүмкіншіліктері мәселелеріне ерекше көңіл бөлінеді», - деді Сәрсембаева.

Камила Амирова 

Барлық жаңалықтар