«Нұрлы жол» Жолдауы нақты істерді шешуге бағытталған – депутат
10 Желтоқсан, 2014 19:12
Мемлекет басшысының «Нұрлы жол – болашаққа бастар жол» Жолдауының негізгі ережелерін түсіндіру аясында Қазақстан Республикасы Парламенті Сенатының депутаты, Қаржы және бюджет комитетінің төрағасы Рашит Ахметов Орал қаласының активімен және Батыс Қазақстан облысындағы Жаңақала ауданының тұрғындарымен кездесті, деп хабарлады Сенаттың баспасөз қызметі.
Сенатор Р. Ахметов «Нұрлы жол – болашаққа бастар жол» жаңа экономикалық саясаты елдің және әр адамның өмірін жақсартуды көздейтін нақты істерді шешуге бағытталғанын атап өтті. «Президент жолдарды қан тамырларына теңей отырып, оларды дамытуға ерекше мән береді, жолдар мемлекетті одан әрі өркендетуге тікелей байланысты», - деді сенатор.
Р. Ахметов сондай-ақ аудан орталығындағы жаңа емханада болып, 600 орындық мектеп және 100 орындық интернат құрылысының барысымен танысты.
