• Басты
  • ЭЫДҰ Қазақстандағы ауыл шаруашылығы кооперативтерін нығайту үшін ұсыныстар жасады
10 Желтоқсан, 2014 13:51

ЭЫДҰ Қазақстандағы ауыл шаруашылығы кооперативтерін нығайту үшін ұсыныстар жасады

ЭЫДҰ Қазақстандағы ауыл шаруашылығы кооперативтерін нығайту үшін ұсыныстар берді, деп хабарлады «Қазақстандағы аймақтық бәсекеге қабілеттілікті арттыру» жобасының жетекшісі Жан-Франсуа Лянжелле.
ЭЫДҰ Қазақстандағы ауыл шаруашылығы кооперативтерін нығайту үшін ұсыныстар жасады

ЭЫДҰ  Қазақстан Республикасының Ауыл шаруашылығы министрлігімен, саяси қайраткерлермен, ауыл шаруашылығы тауарын өндірушілермен және өзге де мүдделі тараптармен бірлесіп «Қазақстандағы  ауыл шаруашылығы кооперативтерін нығайту» есебін дайындады.

«Бүгін біз Қазақстандағы ауыл шаруашылығы кооперативтерін талқылауға арналған жұмыс тобы аясында кездесіп отырмыз. Бұл жоба қос тарапқа бірдей маңызды, себебі ЭЫДҰ қатысушы елдерге Қазақстанның тәжірибесі бірдей қызықты. Бүгін біз бәсекеге қабілеттілікті дамыту жобасын таныстырамыз», - деді жоба жетекшісі.

Оның айтуынша, ауыл шаруашылығы сараптамасы 2013 жылы жарияланды, онда Қазақстанның барлық бағдарламасы мен стратегиясы ескерілді. «Біз ағымдағы жылы ауыл шаруашылығы кооперативтерін нығайту бойынша жұмыстарымызды күшейттік. Біз шаруашылықтарға арнайы шығып іс жүзінде жағдайды өз көзімізбен көріп, бағаладық», - деп атап өтті Жан-Франсуа Лянжелле.

Ерекше атап өткендей, аталмыш есепті сарапшылар 2014 жылы қазан айында Париждегі ЭЫДҰ дөңгелек үстелінде қарап шықты.

Индира Кауметова

Барлық жаңалықтар