«Нұрлы жол» ұландарды патриотизмге тәрбиелейді – Қорғаныс министрлігі

10 Желтоқсан, 2014 15:24

Экономикалық саясаттың жаңа бағыты болып табылатын Мемлекет басшысының Жолдауымен таныстық Халық қаһарманы армия генералы Сағадат Нұрмағамбетов атындағы «Жас ұлан» республикалық мектебінің оқушылары үшін патриотизм сабағы болды, деп хабарлады ведомтсво.

«Ұландар мен бес оқу ротасының кіші командирлері сабақ барысында бейнематериалдар қарап, стратегиялық құжаттың мазмұнымен танысты. Өздерін қызықтырған сауалдарға жауап алды», - делінген хабарламада.

Ұландар «Нұрлы жол» Жолдауының мемлекеттің әл-ауқаты мен өсіп- өркендеуіне бағытталғанын, оның мықты өндірістік салаға, аграрлық кешенді дамытуға, әлемдік деңгейдегі ғылымға негізделгенін атап өтті.

Экономиканы нығайту, саяси тұрақтылық, әлеуметтік өсім сынды маңызды құрамдар қатарында болашақ әскери қызметшілер қазақстандықтардың патриотизмін, туған еліміздің дамуына қосатын жеке үлестерін атады.

Бесінші оқу ротасының ұланы Ақтөре Естаев «шынайы патриоттар өз тарихымен, сын сағаттарда, сондай-ақ бейбіт өмірде де Отанға деген сүйіспеншілігін дәлелдей білетін батырларымен мақтанады» дейді.

Әскери мектеп тәрбиеленушісі өзара көмек, мейірімділік және ашықтық оқуда көмектесесе, тәртіптілік, жауапкершілік пен адалдық – нағыз Отан қорғаушысы болу деп есептейді.

Барлық жаңалықтар