Г.Әбдіқалықова: Дала өркениетінің ойшылдары Дала рухының өзіндік кодексін жасады
10 Желтоқсан, 2014 10:03
ҚР Мемлекеттік хатшысы Гүлшара Әбдіқалықова халықаралық Адам құқықтары күніне арналған «дөңгелек үстел» отырысында Дала өркениетінің ойшылдары Дала рухының өзіндік кодексін жасағандығын айтып өтті.
«Махмұд Қашқари, Мұхаммед Хайдар Дулати, Қорқыт ата және басқалар сияқты дала өркениетінің ойшылдары Дала рухының өзіндік кодексін жасады, оның негізі адамның табиғи құқықтары, руханият, имандылық болып табылады», - деп атап өтті.
Мемлекеттік хатшы «егемендік алған соң біздің халқымыз, біздің еліміз және оның әрбір азаматы жарқын болашақты өз бетінше құрудың шынайы бостандығына ие болды» деп атап өтті.
«Құқық қорғау тетігін жетілдіру әрбір адамның бостандығын қамтамасыз етіп қана қоймай, сонымен бірге елдің егемендігін нығайтуға да септігін тигізеді», - деді ол.
