ҚР ІІМ-де жыл сайынғы Спартакиада өз мәресіне жетті

«Жабылу рәсіміне министрліктің барлық комитеттерінің, департаменттері мен қызметтерінің қызметкерлері, оның ішінде сопрттық жарыстарға белсенді қатысқан қызметкерлер, Спартакиада жеңіпаздары мен жүлдегерлері, министрліктің және «Динамо» дене-шынықтыру спорт қоғамының Орталық ұйымы басшылығы қатысты», - делінген хабарламада.

2014 жылғы Спартакиада ағымдағы жылдың  наурыз айынан бастап қыркүйек айы аралығында спорттың 8 түрі бойынша: «Қазақша күреспен», жүзуден, волейболдан, жеңіл атлетикадан, кіші-футболдан, шахматтан, үстел теннисінен, Макаров пистолетінен және Калашников автоматынан атудан өтті.

Жарыстарға ІІМ комитеттерінің, департаменттерінің және дербес бөліністердің 19 командасы, яғни  қызметтік қолданбалы және бұқаралық спорттың 8 түрі бойынша жалпы 300 қызметкер қатысты.

Спартакиаданың қорытындысы бойынша командалық есепте бірінші орынды Кадр жұмысы департаментінің командасы, екінші орынды  Қылмыстық-атқару жүйесі комитетінің командасы және үшінші орынды ІІМ Орталық аппаратының ардагерлер командасы жеңіп алды.

Спартаикада жеңімпаздары мен жүлдегерлерін марапаттау кезінде Ішкі істер министрінің бірінші орынбасары Марат Демеуов атап өткендей, ішкі істер органдарының қызметкерлері республикалық және халықаралық ареналарда жеңістерге жетіп, Қазақстан полициясының мерейін асыруда.  

Тек үстіміздегі жылы ғана полиция қызметкерлері еліміздің  ішінде және шетелде де өткен спорттық сайыстарға қатысып, әртүрлі дәрежедегі 50-ден астам медальдерге ие болды.