• Басты
  • Жол индустриясын дамыту 200 мыңнан астам адамды жұмыспен қамтиды – Озғанбаев (Видео)
9 Желтоқсан, 2014 17:48

Жол индустриясын дамыту 200 мыңнан астам адамды жұмыспен қамтиды – Озғанбаев (Видео)

Ел экономикасының тірегі бүгінде жол инфрақұрылымы болып отыр. Республикадағы өңірлерді байланыстыру мақсатында салынып жатқан жолдар 200 мыңнан астам адамға жұмыс тауып береді, дейді тарих ғылымдарының докторы Өмірзақ Озғанбаев Елбасының биылғы Жолдауы туралы өз пікірімен бөлісе отырып.
Жол индустриясын дамыту  200 мыңнан астам адамды жұмыспен қамтиды – Озғанбаев (Видео)

«1997 жылдан бері Президенттің барлық Жолдауына дерлік қатысып келе жатырмын. Сол жылы Елбасы 2030 Стратегиясын жариялаған еді. Оның мазмұны Қазақстанның әлемдегі бәсекеге қабілетті 50 елдің қатарына енуі еді. 2012 жылы осынау мақсат мерзімінен бұрын орындалып, енді елді жаңаша жұмылдыратын үлкен мұрат ретінде 2050 Стратегиясы жарияланды. Стратегияға сай, мемлекетіміз енді дүниенің дамыған 30 елінің қатарына кірмек. Осы бағытта қазіргі ауқымды жұмыстар атқарылып жатыр. Соның бірі биылғы Мемлекет басшысының қабылдаған «Нұрлы Жол» жаңа экономикалық саясаты. Бұл бағдарлама қазіргі таңдағы ел алдындағы барлық мақсат-мұраттарды жіктеп-жіліктеп, оларды іске асыру жолдары мен оған қажетті қаражаттың көлеміне дейін нақтылап берген жоба болды», - дейді Ө.Озғанбаев.

Осынау жоба бойынша, ел астанасын еліміздің барлық өңірімен байланыстыратын үлкен жолдар жүйесі өмірге келеді.

«Мысалға, күні кеше ғана үлкен жоба ретінде Бейнеу-Жезқазған, Арқалық-Шұбаркөл темір жолы тартылды. Бұлардың басты ерекшелігі, баяғыдай елді Мәскеумен байланыстыратын емес, енді облыстар арасына байланыс құратын көлденең жолдар болмақ. Осының арқасында көптеген елді-мекендер пайда болды. Бұл жалпы елдегі жол индустриясының бойына қан жүгіртпек. Бұның өзі 200 мыңнан астам адамға жұмыс орнын тауып береді», - дейді тарихшы.

Бауыржан Мұқанов 

Барлық жаңалықтар
18.234.97.53, 192.168.88.100