• Главная
  • «Қазақмыс» корпорациясының қызметкерлері Мемлекет басшысына жазған хатында алғыс айтты
9 декабря, 2014 14:32

«Қазақмыс» корпорациясының қызметкерлері Мемлекет басшысына жазған хатында алғыс айтты

«Қазақмыс корпорациясы» ЖШС ұжымы Елбасына жазған хатта жылы лебіздерін білдірген, деп хабарлады Ақорданың баспасөз қызметі.
«Қазақмыс» корпорациясының қызметкерлері  Мемлекет басшысына жазған хатында  алғыс  айтты

«Корпорация жұмысшылары Қазақстан Президентіне Жезқазған және Сәтбаев қалаларын, сондай-ақ Қарағанды облысының Ұлытау ауданын дамытуға бағытталған шаралар үшін алғыстарын білдірген. Авторлар өңірге көрсетілген қолдаудың арқасында айтарлықтай оң өзгерістер болғанын атап өткен», - делінген хатта.

«Жезқазған – Бейнеу» теміржолын пайдалануға беру елеулі оқиға болды, соның арқасында біздің өңір индустриялық және коммерциялық тұрғыдан дамуға тың серпін алып отыр», – делінген хатта.

Корпорация жұмысшылары сондай-ақ Қазақстан Президентінің тапсырмасымен Жезқазған мыс қорыту зауыты жұмысын қайта жандандырғанын, онда металы аз кендерді алу үшін гидрометаллургия технологияларын енгізу үрдісі басталғанын атап өткен. Авторлардың айтуынша, мұндай өзгерістер өңір тұрғындарының табысты болашаққа деген сенімін арттырады.  

Соңында «Қазақмыс корпорациясы» ЖШС ұжымы Мемлекет басшысының көрсетіп отырған қолдауына тағы да алғыстарын айтып, оған денсаулық тіледі.