• Басты
  • ШЫҰ 6 елінің симфониялық оркестрі алғаш рет қазақ сахнасына шығады

ШЫҰ 6 елінің симфониялық оркестрі алғаш рет қазақ сахнасына шығады

9 Желтоқсан, 2014 13:04
Бүгін кешке тарихта алғаш рет ШЫҰ 6 елінің симфониялық оркестрі өкілдерінің концерті өтеді. Бұл туралы қытай жібек жолы қорының басқарма төрағасы, «Синьао» корпорациясының вице-президенті Цзинь Юншэна мәлімдеді.

Форумның мәдени бағдарламасының басты оқиғасы «Қазақстан» орталық концерт залында ШЫҰ халықаралық оркестрінің қатысуымен өнер майталмандарының концерті болмақ. Концерттік бағдарламаға Шанхай ынтымақтастық ұйымы елдерінің өнер ұжымдары кіреді.

«Бүгін кешке тарихта алғаш рет ШЫҰ 6 елінің симфониялық оркестрі өкілдерінің концерті өтеді», - дейді Цзинь  Юншэна.

Айта кету керек, гала-концертке Қазақстанның халық әртісі Айман Мұсаходжаева, дирижер Айдар Торыбаев (Қазақстан), Мәскеу мемлекеттік филормония академиясының солисі, Пекин консерваториясының құметті профессоры Кирилл Родин (Ресей) ж»не атақты пианист Клаудия Янг (Қытай) қатыспақ.

Сонымен қатар, форум аясында «Жібек жолының мәдени мұрасы» фотосуреттер көрмесі ашылады.

Өз кезегінде форумның ұйымдастырушысы Қазақстан халқы рухани даму қоры мен Қытай Халық Республикасы Мәдениет министрлігі Ұлттық істер қоры. Шараға Назарбаев Университеті мен Қытай Жібек жолы қоры да ат салысты.

Индира Қауметова

Барлық жаңалықтар