• Басты
  • ЮНЕСКО-да Қазақстанның мәдени жетістіктері аталып өтті

ЮНЕСКО-да Қазақстанның мәдени жетістіктері аталып өтті

9 Желтоқсан, 2014 10:32
Қазақстандық делегация Санкт-Петербургтегі мемлекеттік Эрмитаж музейінің 250 жылдығына арналған III халықаралық мәдени форумға қатысты.

МСМ хабарлағандай, жұмыс кездесулері аясында ҚР мәдениет және спорт министрі  Арыстанбек Мухамедиұлы ЮНЕСКО халықаралық ұйымының бас директоры  И. Боковамен кездесіп, Қазақстан мен ЮНЕСКО-ның мәдени ынтымақтастық мәселелерін талқылады.

«ЮНЕСКО мен ИСЕСКО істері бойынша ұлттық комиссияны басқарған қазақстанық мәдениет министрі және халықаралық ұйымның басшысы Қазақстан мен ЮНЕСКО-ның  ғылым, мәдениет, мәдени құндылықтар, жаңа технологиялар мен коммуникация салаларындағы ынтымақтастығын талқылады. Сұхбаттасу барасында тараптар өзара ынтымақтастықты нығайту тұрғысында ортақ тіл тапты», - делінген хабарламада.

Бокова ханым Қазақстанды жаңа жетістіктері мен және қазақтың күйі мен киіз үйін  ЮНЕСКО-ның материалдық емес мәдени құндылықтар тізіміне енгізілгенімен құттықтады.

Естеріңізге сала кетейік, ағымдағы жылдың қараша айында ЮНЕСКО-ның материалдық емес мәдени құндылықтарды қорғау комитеті адамзаттың материалдық емес мәдени құндылықтары тізіміне он әлементті қосты. Оның ішінде қазақ домбырасында әуелетіп күй орындаумен қатар, қазақ, қырғыз және түркі тілдес көшпенділердің киіз үйді жинау және жасау үлгілері енгізілді.

 

Барлық жаңалықтар