«ЭКСПО-2017» ҰК «Елордадағы үздік туристік бағыт» байқауын қорытындылады
«Қазылардың шешімі бойынша, «Елордадағы үздік туристік бағыт» байқауында «САЯТ» туристік фирмасы, «КРУИЗ» ЖШС туристік агенттігі мен «CompleteService» халықаралық туристік компаниясы үздік деп танылды», - деп хабарлайды компания.
Айта кету керек, байқауды жүргізу барысында туризм индустриясының көптеген субъектілерінен 19 жоба қаралды.
«Біздің қызметті 5 мыңнан астам адам тұтынады. Қалаға келген кез келген турист «сититур» қызметін пайдаланады. Оның құны 10 долларды құрайды. ЭКСПО туристік қызметтер сапасын жақсартуға ықпал етуі тиіс. Осы орайда Қазақстанды әлемге танытуға да үлес қосуы керек. Аталмыш шараның туризм индустриясының дамуына серпін береді деп үміттенеміз», - дейді «САЯТ» туристік фирмасының директоры Инна Рей.
Естеріңізге сала кетейік, байқау 3 қазанда жарияланған еді. Оған Қазақстан Республикасы резиденті болып табылатын туризм индустриясы субъектілері шақырылды.
