Алматы облысының тұрғындарына жаңа экономикалық саясаттың негізгі бағыттары түсіндірілді
8 Желтоқсан, 2014 16:53
Қазақстан Республикасы Парламенті Сенаты Халықаралық қатынастар, қорғаныс және қауіпсіздік комитетінің төрағасы Икрам Адырбеков Мемлекет басшысы Н.Ә.Назарбаевтың 2014 жылғы 11 қарашадағы «Нұрлы жол – болашаққа бастар жол» Қазақстан халқына Жолдауын түсіндіру аясында Алматы облысының жұртшылығымен кездесті.
Сенаттың баспасөз қызметі хабарлағандай, сенатор Еңбекшіқазақ ауданындағы мекемелер қызметкерлерімен, мәслихат депутаттарымен, ардагерлермен және гуманитарлық-экономикалық колледждің еңбек ұжымымен, Түрген, Қаракемер, Евгенемаловодный ауылдық округтерінің, сондай-ақ Шелек және Есік қалаларының тұрғындарымен кездесті.
Жүздесу барысында Жолдауды ықыласпен қарсы алған Алматы облысының тұрғындары оның негізгі ережелерін талқылай келіп, Қазақстанның «Нұрлы жол» жаңа экономикалық саясатының басым бағыттарын іске асыру жайында ойларын ортаға салды.
