8 Желтоқсан, 2014 15:19

Анкарада Елбасының «Нұрлы жол» Жолдауы талқыланды

Түркияның астаналық «Атылым» университетінде ғылыми-практикалық семинар (workshop) өткізіліп, ҚР Президенті Н.Ә.Назарбаевтың Қазақстан халқына «Нұрлы жол – болашаққа бастар жол» Жолдауының негізгі бағыттары мен маңызды мәселелері талқыланды, деп хабарлады сыртқы істер министрлігі.

Конференцияға 200-ден астам адам, олардың ішінде ғылыми және академиялық топтардың өкілдері, зерттеушілер, халықаралық бақылауышылар, Түркияның мемлекеттік мекемелерінің өкілдері, оқытушылар мен Анкарадағы университеттер студенттері қатысты.

«Атылым» университетінің ректоры Абдуррахман Өзгеноғлы сөйлеген сөзінде Қазақстан Республикасының қазіргі заманғы мемлекеттілігінің қалыптасуы мен өркендеуінде Қазақстанның Тұңғыш Президенті Н.Ә.Назарбаевтың ерекше рөлін атап өтті.

«Қазақстанның Президенті Н.Ә.Назарбаев нағыз ұлттық көшбасшы ретінде өз мемлекетін даму мен өркендеуге алып жүріп келе жатыр. Бұны біз Қазақстанның сыртқы саясатын салиқалы үйлестіре жүзеге асырғандығынан білеміз. Көптеген жетістіктерге қол жеткізіліп, ендігі кездегі белестер Президент Н.Ә.Назарбаевтың Қазақстан халқына «Нұрлы жол – болашаққа бастар жол» Жолдауында белгіленді. Бұл ретте әлемдегі тұрақсыз экономикалық ахуал ортасында экономиканы индустрияландыру және шетел инвестицияларды тарту мәселелеріне ерекше көңіл аударылды. Президент Н.Ә.Назарбаев халықаралық нарығындағы бүгінгі күнгі дағдарысты алдын ала көре білді, және, осыған орай өз Жолдауында бар байлықты өз елінің болашағы үшін жұмсалуы бойынша тапсырмалар берді. Бұның бәрінен оның орасан зор еңбектенуінің арқасында Көшбасшы мәртебесіне қол жеткізіп отырғандығын түсінуге болады», - деп, А.Өзгеноғлы толықтырды.

Қазақстанның Түркиядағы Елшісі Жансейіт Түймебаев өз баяндамасында іс-шараны өткізгені үшін университет басшылығына ризашылығын білдірді. «Қазақстан-2050» стратегиясын жүзеге асыру аясында екіжақты қарым-қатынастардың тарихындағы өзекті мәселелерден, сонымен қатар ҚР-ның сыртқы саяси бастамалардан, оның ішінде 2017-2018 жылдарға ҚР-ның БҰҰ Қауіпсіздік кеңесінің тұрақты емес мүшелігіне кандидатурасы, «АТОМ» мен «Джи-Глобал» жобалары және «Астана-ЭКСПО-2017» көрмесі жөнінде хабардар етті.

Жалпы айтқанда, іс-шара түрік академиялық топтардың Қазақстанға және елдің стратегиялық құжаттары мен бағдарламаларына, сондай-ақ ҚР-ның ғаламдық экономикалық дағдарыс аясындағы алдын алу іс-әрекеттеріне қатысты қызығушылығын тудыртты.

ҰСЫНЫЛАДЫ

Барлық жаңалықтар

дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды