• Главная
  • Владимир Смирновқа «Ақмола облысының құрметті азаматы» атағы берілді (Фото)
8 декабря, 2014 15:03

Владимир Смирновқа «Ақмола облысының құрметті азаматы» атағы берілді (Фото)

Бүгін, өңір басшысы Сергей Кулагин Владимир Смирновқа «Ақмола облысының құрметті азаматы» атағын салтанатты түрде табыс етті. Бұл шешім облыстық мәслихаттың шешімімен бекітілді, деп хабарлады облыс әкімдігінің баспасөз қызметі.
Владимир Смирновқа «Ақмола облысының құрметті азаматы» атағы берілді (Фото)

«Смирнов Владимир Михайлович – олимпиада чемпионы, КСРО мен ҚР еңбек сіңірген спорт шебері, төрт дүркін әлем чемпионы, КСРО бірнеше дүркін чемпионы», - делінген хабарламада.

Сонымен қатар, облыс әкімі Сергей Кулагин олимпиада чемпионына спортшы бейнеленген картинаны сыйға тарты.  

Владимир Смирнов өз кезегінде ақмолалықтарды көңіл бөлгендері үшін алғысын білдірді және облыс әкімі С. Кулагинге автоөмірбаяндық кітабын сыйлады. 

Ақмола өңірі өз спортшысын мақтан тұтады. Щучинск қаласының тумасы Қазақстаннан шыққан алғашқы олимпиада чемпионы, әлем чемпионатының, Азия ойындары мен Әлем Кубогы кезеңдерінің бірнеше дүркін жеңімпазы және жүлдегері. Ол Нагано қ. өткен Олимпиада ойындарында ел туын желбіретіп шықты, шаңғы спортындағы ерен еңбегі үшін норвегиялық Холменколленск медалімен марапатталды.  

Олимпиада чемпионы Владимир Смирновтың құрметіне Көкшетау қ. шаңғы жарысы өткізіліп жатқандығын атап өту керек. Оған 200-ден астам жас спортшылар қатысуда. Марапаттау рәсімінен кейін, Владимир Смирнов жеңімпаздарды наградтау үшін жарыс өткізіліп жатқан жерге кетті.