Сенат комитетінде салық істері бойынша өзара әкімшілік көмек туралы конвенцияны ратификациялау заң жобасы қаралды
8 Желтоқсан, 2014 14:32
Қазақстан Республикасы Парламенті Сенаты Қаржы және бюджет комитетінің кеңейтілген отырысында «Салық істері бойынша өзара әкімшілік көмек туралы конвенцияға өзгерістер енгізу туралы хаттамамен енгізілген түзетулері бар Салық істері бойынша өзара әкімшілік көмек туралы конвенцияны ратификациялау туралы» заң жобасы қаралды, деп хабарлады Сенаттың баспасөз қызметі.
Конвенцияға 2013 жылғы 23 желтоқсанда Парижде қол қойылды.Конвенцияға қосылу салалық салу саласында әкімшілік тұрғыда көмек берудің кең ауқымын қамтуға, сондай-ақ Қазақстан Республикасы резидентінің шет елдерде алған кірісі туралы мәліметтер алмасуға, резидент еместердің және резиденттердің төленбеген салық сомасын және басқа да міндетті төлемдерін өндіріп алуды жүзеге асыруға мүмкіндік береді.
Заң жобасы Конвенцияның тиісті баптары аясында Қазақстан Республикасының салық заңнамасына сәйкес Конвенцияны өтініштермен және ескертулермен ратификациялауы көзделіп отыр.
Заң жобасы Палатаның қарауына жіберілді.
