• Басты
  • Е. Ыдырысов: «Нұрлы жол» – «Қазақстан-2050» стратегиясына қол жеткізудің нақты құрылымдық жоспары
8 Желтоқсан, 2014 11:23

Е. Ыдырысов: «Нұрлы жол» – «Қазақстан-2050» стратегиясына қол жеткізудің нақты құрылымдық жоспары

ҚР Сыртқы істер министрі Ерлан Ыдырысовтың төрағалығымен Қазақстан Республикасы Президенті Н.Ә. Назарбаевтың «Нұрлы жол – болашаққа бастар жол» атты Қазақстан халқына жолдауына арналған Сыртқы істер министрлігінің алқасы өтті, деп хабарлады сыртқы істер министрлігі.
Е. Ыдырысов: «Нұрлы жол» – «Қазақстан-2050» стратегиясына қол жеткізудің нақты құрылымдық жоспары

ҚР СІМ басшысы өз сөзінде жаңа Жолдау халықаралық қатынастар жүйесінде болып жатқан өзгерістерге еліміздің реакциясы деп атап өтті.

«Әлем өзгеріп, дәуір алмасып, еуразиялық кеңістіктегі тұрақсыздықтың артуын, лаңкестіктің айтқысыз өсуін, экономикалық дағдарысты, энергетикалық нарықтағы ауытқуларды – осының бәрін Елбасы айқын көріп, талдап, әлем көшбасшыларымен пікір алмасып, сыртқы қатерлерге орай пікір сөз айтады. Биыл, әсіресе жылдың екінші жарты жылдығында түрлі халықаралық алаңдарда, соның ішінде АСЕМ шеңберінде, ең жоғары деңгейде бірқатар кездесулер болды, шетел мемлекеттерінің көптеген басшылары Астанаға сапармен келді, осының бәрі Қазақстанның тұрақты ел ретінде қабылданатындығын білдіреді», - деп айтты ол.

Е. Ыдырысов сыртқы тұрақсыздық пен жаһандық экономикалық дағдарыс кезінде «Нұрлы жол» барлық мемлекеттік органдар үшін қойылатын міндеттердің квинтэссенциясы болып табылады деп айтты.

«Жолдау Қазақстан халқы әл-ауқатын қолдауға, халықты күйзелістерден қорғауға, жаңа жұмыс орындарын құруға бағытталған. Инфрақұрылымдық өзгерістер арқасында Астананы елдің барлық өңірлерімен байланыстыру алдағы ұзақ мерзімге маңызды күретамырлардың орнығуын қамтамасыз етеді. Көптеген шетелдік серіктестеріміз «Нұрлы жолды» Американың 1930-жылдарының басында қаржы және экономикалық дағдарыстан шығуға көмектескен АҚШ Президенті Ф.Рузвельттің экономикалық бағдарламасымен салыстырады. Қазақстан Америкадағыдай дағдарысқа тап болмаса да, бағдарламалар ұсынылған жаңа экономикалық саясаттың көлемімен және еліміз үщін маңыздылығымен ұқсас», - деді ол.

Алқа отырысы барысында, Жолдауды түсіндіру жұмыстарының нәтижесі заманауи Қазақстанды оңынан қабылдауды нығайтып қана қоймай, еліміздің шетелдік әріптестерімізбен өзара тиімді ынтымақтастығын, мемлекетімізге құйылатын инвестициялардың өсуіне, және соңында экономикалық дами түсуімізге, қазақстандықтардың өмір сүру деңгейін арттыруға, «Нұрлы Жол» бағдарламасы мен «Қазақстан - 2050» Стратегиясының мақсаттарына жетуге өз септігін тигізетін болады.

ҰСЫНЫЛАДЫ
Барлық жаңалықтар
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды