Көкшетауда 120 спортшы каратэ бойынша жарысқа қатысуда (Фото)
7 Желтоқсан, 2014 12:04
Ақмола облысында Тәуелсіздік күніне арналған балалардың ашық чемпионаты мен кадеттер арасында республикалық турнир, жасөспірімдер мен ересектер арасында спорттық каратэ бойынша сайыстар өтуде, деп хабарлады «Ақмола медиа орталығы».
Шараға 7 құрама команда қатысты. Олар: Астана, Алматы, Алматы облысы, Атырау, Батыс Қазақстан, Жамбыл, Қостанай мен Ақмола облыстары қатысты. Жалпы 120 спортшы қатысты.
«Шара қорытындысы бойынша, жалпыкомандалық есеп тапсырылады. Алғашқы үш команда сәйкес деңгейдің кубогі мен дипломына ие болады. «Ең үздік ката», «БОЛАШАҚ ЧЕМПИОНЫ», «РУХ НАМЫС ЖІГЕР ҚАЙРАТ» номинациялары бойынша арнайы жастар ресурстық орталығы мен СӨС орталығының арнайы сыйлығы, ЖИТС орталығының үш кубогіне ие болады», - делінген хабарламада.
Шара Ақмола облысының дене шынықтыру және спорт басқармасы, Ақмола облысының ішкі саясат басқармасы, жастар ресурстық орталығы, өңірлік салауатты өмір салтын қалыптастыру орталығының көмегімен ұйымдастырылып отыр.
