ЕҰУ Орталық және Шығыс Еуропа елдерінің Халықаралық турнирінің жеңімпазы атынды

7 Желтоқсан, 2014 14:31

Л.Н.Гумилев атындағы Еуразия ұлттық университеті "Ірі кәсіпорын" номинациясы бойынша Орталық және Шығыс Еуропа елдерінің сапа жағынан 10-халықаралық турнир жеңімпазы атанды. Бұл туралы ақпарат осы жылдың 5 желтоқсанында Левен қаласында (Брюссель) өткен Орталық және Шығыс Еуропа елдерінің сапа жағынан 10-халықаралық турнирдің салтанатты рәсімінде белгілі болды, деп хабарлады ЖОО.

Халықаралық турнирде қол жеткізген бұл жеңіс Еуразия ұлттық университетінің кәсіби мамандарды даярлауының жоғары деңгейде екенін көрсетті: кәсіпорын қатысушыларын бағалау EFQM жетік моделі бойынша бағаланған.

Жеңімпаздарға жүлде тапсыру рәсімі Еуропалық сапа ұйымы (EOQ) Бас Ассамблеясының 123- отырысында өтті және бұл шараға 30-дан аса еуропалық сапа жөнінен ұлттық ұйым көшбасшылары мен Еуропалық Кеңес Президенті Ван Ромпейдің өзі қатысты.

Айта кету керек, турнир жүлдегерлері EFQM жоғары марапаты үшін ұйымдастырылатын байқауға қатысуға ұсынылады.

Айта кетейік, Орталық және Шығыс Еуропа елдерінің сапа жағынан халықаралық турнирі Украина Сапа Ассоциациясының ұсынысымен Бүкілресейлік сапа ұйымы, Орталық және Шығыс Еуропа елдерінің сапа жағынан ұлттық ұйымдары, Еуропалық сапа менеджменті қорының (EFQM) қолдауымен 2005 жылдан бері өткізіліп келеді.

Барлық жаңалықтар