• Басты
  • Бас прокуратураның 17 маманы «Өз мамандығының үздігі» атағына ие болды
7 Желтоқсан, 2014 15:03

Бас прокуратураның 17 маманы «Өз мамандығының үздігі» атағына ие болды

Бас прокуратурада «Өз мамандығының үздігі» атты прокуратура қызметкерлері арасындағы ведомстволық байқаудың қорытындысы шығарылды, деп хабарлады ведомство.
Бас прокуратураның 17 маманы «Өз мамандығының үздігі» атағына ие болды

«Байқауды өткізудің мақсаты – жоғары білікті қызметкерлерді анықтау, қадағалау қызметінің тиімділігін арттыру, кәсіби қызметті көтермелеу және ынталандыру, прокурорлық мамандықтың беделін көтеру болып табылады», - делінген хабарламада.

Үміткерлерге жұмыста жоғары көрсеткіштерге қол жеткізумен қатар креативтік ойлау қабілеті, жұмысты жетілдіруге бағытталған жаңашыл идеялар, сондай-ақ үміткердің жеке басының қасиеттері мен моральдік бет-бейнесінің болуы басты талаптардың бірі ретінде қойылды.

Республикалық байқау комиссиясы кандидатураларды қарау қорытындысы бойынша 36 қызметкерді анықтады, олардың арасынан 17 номинант «Өз мамандығының үздігі» атағына ие болды, қалған 19 қызметкер үздік қызметкерлер тізіміне енгізуге ұсынылды.

Барлық жаңалықтар