Қазақстандағы ЭДЫҰ стандарттары мен қағидаттары орындалуының әлеуетін шетелдік сарапшылар оң бағалады

7 Желтоқсан, 2014 11:33

Мемлекеттік қызмет және жемқорлыққа қарсы күрес агенттігінде Стамбул іс-қимыл жоспарының орындалу мониторингінің үшінші раунды талқыланды. Ол Шығыс Еуропа мен Орталық Азия ЭДЫҰ стандарттарына бағытталған.

Шараға ЭДЫҰ сарапшылары, Мемлекеттік қызмет және жемқорлыққа қарсы күрес агенттігі өкілдері, ҚР президенті жанындағы мемлекеттік басқару агенттігі, Жоғарғы сот, Бас прокуратура, бірқатар министрлік пен МЕҰ өкілдері қатысты, деп хабарлады ведомство.

Осы жыл бойы агенттік пен меморгандардың қолдауымен халықраралық сарапшылар Қазақстанның жемқорлыққа қарсы қызметтің халықаралық стандарттарына сәйкестігі тексерілді.

Дөңгелек үстел барысында Агенттік төарағасы Қайрат Қожамжаров пен ЭДЫҰ өкілдерінің кездесуі өтті. Шара аясында Қазақстандағы ЭДЫҰ стандарттары мен қағидаттары орындалуының әлеуетін шетелдік сарапшылар оң бағалады.

Аталмыш жұмыстың нәтижесі 2014 жылдың 10 қазанында Париж қаласында қабылданған Қазақстан туралы есеп болды, ол ЭДЫҰ өкілдеріне таныстырылды.