Қорғаныс министрлігінің аваиациялық базасында диверсияға қарсы жаттығу өтті
Диверсияға қарсы қауіпсіздік жөніндегі нұсқаулық-әдістемелік сабақтардың жоспары бойынша тәуліктік наряд қолда бар күш-құралдарымен шартты түрдегі ұрысты қабылдап, қарсыластың шабуылана тойтарыс бере оырып, резервтегі қарауыл тобы мен кезекші бөлімше келгенше уақыт ұтуы қажет болды.
«Тәуліктік нарядты даярлау қалыптан тыс жағдайлар туындаған кезде жеке құрамды қорғаныс ұрысына және ұрыс қимылдарының өзге де түрлеріне оқыту жөніндегі нормативтермен бекітілген Гарнизондық және қарауылдық қызмет Жарғысының талаптарына сәйкес жүзеге асырылады», - деп атап өтті Әуе қорғанысы күштері бас қолбасшысы басқармасы әскерлер қызметі басқармасының бастығы подполковник Дархан Ұзақбайұлы.
Әскери бөлім аумағына миналау, әскери техникаларды жою және басып алу мақсатында кірген шартты түрдегі қарулы қарсыластың көзін жоюға арналаған тәжірибелік сабақтар Жауынгерлік даярлық жоспарына сәйкес өткізілді. Оқу дайындығы барысында бөлім бойынша кезекшінің тәжірибелік іс-қимылдары жауынгерлік есептопқа сәйкес дабыл бойынша тәуліктік нарядтың жеделдігі мәселелері пысықталды. Жаттығуда майор Асылбек Жақыпбеков, капитандар Нұртас Ахметбеков, Амангелді Сұлташев және қатардағы жауынгер Миртас Рахимбаевтардың үйлесімді және нақты іс-қимылдары атап өтілді.
