• Басты
  • Алматыдан Астанаға көшкен авиаторлар тәулік бойғы жауынгерлік кезекшілікті бастады
5 Желтоқсан, 2014 10:34

Алматыдан Астанаға көшкен авиаторлар тәулік бойғы жауынгерлік кезекшілікті бастады

Әуе қорғанысы күштері Бас командалық пунктінің әуе операторлары күндіз-түні радиолокациялық, диспетчерлік, метеорологиялық бақылауды жүзеге асырып, жауапкершілік аумағында түрлі әуе кемелерінің ұшып өтуін қамтамасыз етеді, деп хабарлады қорғаныс министрлігі.
Алматыдан Астанаға көшкен авиаторлар тәулік бойғы жауынгерлік кезекшілікті бастады

Әуе қорғанысы күштері Бас командалық пунктінің жеке құрамы сапының алдында сөз сөйлеген ӘҚК бас қолбасшысының бірінші орынбасары – бас штаб бастығы Марат Уашпаев «Әуе қорғанысы күштері – Қарулы Күштердің ең ұтқыр және техникалық жарақталған түрі», - деді.

 «Бас командалық пункт әскери қызметшілерінің күнделікті қызметі қызу жауынгерлік жаттығуларға, авиация ұшуларына және Әуе шабуылына қарсы қорғаныс әскерлерінің оқу-жаттығу атыстарына толы болады», - деді М. Уашпаев.

 "Ал ең басты міндет  жауынгерлік кезекшілікті атқару, еліміздің әуе кеңістігін қорғау болып табылады», - деп атап өтті.

«Бас командалық пункттің әскери қызметшілері үшін бұл оқиға ерекше маңызға ие және үлкен мақтаныш. Біз барлық жауапкершілігімізбен жауынгерлік вахтаны атқарып, қойылған міндеттерді орындау үшін барлық күш-жігерімізді жұмсайтын боламыз», - дейді ҚР ҚК ӘҚК Бас командалық пунктінің бастығы полковник Аят Құрамысов.

 

 

Барлық жаңалықтар