Бразилиада ҚР мен БФР сот саласында ынтымақтастық мәселелерін талқылады

Сонымен қатар, сұхбаттастың назары «Қазақстан-2050» - Қазақстанның даму стратегиясы шеңберіндегі елдің ұзақ мерзімді дамуының топтамалық саласына жататын құқықтық реформаға, яғни Қазақстанда қалыптасып отырған құқық үстемдігіне аударылды.

Кездесу барысында, сұхбаттастар екіжақты қарым-қатынастың одан әрі дамуына байланысты, оның ішінде, алдағы уақыттарда өтетін Рио-де-Жанейро қаласындағы 2016 жылғы Жаздық Олимпиада ойындары және Астана қаласындағы ЭКСПО-2017 сияқты әлемдік масштабтағы іс-шараларға қатысты мәселелерді талқылады.

Сонымен қатар, қазақстандық дипломат А.Левандовскийді Қазақстан Республикасы 2017-2018 жылдары БҰҰ Қауіпсіздік кеңесіне өз кандидатурасын ұсынғаны туралы ақпарат беріп, Бразилия осы мәселеге қатысты тиісті қолғабыс көрсететініне сенім білдірді.

Б.Ордабаев Р.Левандовскийге қазіргі таңдағы Қазақстанның әлеуметтік-экономикалық ахуалымен, сондай-ақҚазақстан Республикасының Президенті Нұрсұлтан Назарбаевтың «Нұрлы жол - болашаққа бастар жол» атты Қазақстан халқына арналған Жолдауымен таныстырды.

Бразилияның сот басына, Елшілік тарапынан дайындалған португал тіліндегі Жолдаудың толық мәтінін алып, қолайсыз сыртқы шақырулар ахуалында тұрақты экономикалық дамуды қамтамасыз етуге бағытталған жаңа экономикалық саясатқа байланысты Жолдаудың негізгі қағидалары жөнінде толыққанды ақпарат берілді.

 «Менің ойымша, бұл, бүгінгі таңда, әлемде қалыптасып отырған күрделі кезеңдердегі мемлекеттің әлеуметтік-экономикалық мәселелерін шешетін өзекті және дер кезіндегі құжат. Бүгінгі күні, Қазақстан Республикасы әлемдік қоғамдастықта өз орнын тауып, беделді әрі күрделі бәсекеге түсе алатын мемлекет ретінде көрініс табуда», - деп мәлімдеді А.Левандовский.