Ғалымдар Ұлт көшбасшысының алға қойған міндеттемелерін іске асыруға үлестерін қосу керек – ҰИА ректоры

Өз сөзінде академия президенті, академик Бақытжан Жұмағұловтың айтуынша, Жолдауда алға қойған міндеттемелердің іске асырылуы мемлекет пен қоғамның алдағы уақытта тұрақты дамуына жол ашпақ. Әлемдік деңгейдегі сын-қатерлердің күшейген кезінде, геосаяси дағдарыстар мен алма кезек санкциялар жарияланғанда бәрінен бұрын инфрақұрылымдық экономиканы басты назарға алған жөн. Еліміздің инженерлік корпусы оқымыстыларына Ұлт көшбасшысының алға қойған мақсаттарын іске асыруға өзіндік үлес қосуы тұрғысынан үлкен жауапкершілік жүктелген.

Отырыста сонымен қатар Қазақстан кәсіпорындарының ірі өнеркәсіп жетекшілері, алдыңғы қатарлы оқымыстылары мен инженерлері сөз сөйледі.

Шараға қатысушылар Жолдауды негізгі тұстарын талқылап, ондағы мемлекеттік қолдауды тек жұмыспен қамту мен экономика өсіміне әсер ететін инженерлік салаға беру керектігін айтысты. «ҚР Ұлттық инженерлік академия ірі беделді бірлестіктердің бірі. Ол Қазақстандағы ғылыми-инженерлік қызметтермен тікелей жұмыс істейді. Экономиканың баплық салалары мен оның инфрақұрылымдарын қамтиды. Осы орайда Мемлекет басшысының Жолдауда айтқан басты мәселелерін іске асыруда жұмыла жұмыс істеуі керек. Бұл өз кезегінде ғылым мен экономиканың бірлесе жұмыс істеуіне мүмкіндік бермек. Осылайша елде инновация мен технология жаңалықтарына жол ашылмақ», - дейді ректор.