4 Желтоқсан, 2014 17:59

2015-2019 жылдарға арналған инфрақұрылымдық даму бағдарламасы жылдың соңына дейін әзірленеді –Досаев

ҚР Ұлттық экономика министрлігі ағымдағы ай бойы 2015-2019 жылдарға арналған инфрақұрылымдық даму жөніндегі мемлекеттік бағдарламаны әзірлеп, Мемлекет Басшысының қарауына енгізеді. Бұл туралы ҚР Ұлттық экономика министрі Ерболат Досаев «Нұрлы Жол – Болашаққа Бастар Жол» Мемлекет басшысының Қазақстан халқына Жолдауына арналған ведомтсво коллегиясының отырысы барысында айтып өтті.

Ерболат Досаев ұжым алдында жасаған баяндамасында Жолдаудағы нақты жобалар және оларға қажетті көлемдегі қаражат көздері белгіленіп көрсетілгенін атап өтті.

«Елбасы атап өткендей «Нұрлы - Жол» - жаңа экономикалық саясат контрциклді болатынын Министр қоса айтты. Қысқаша айтқанда, бұл экономикалық баяулау кезеңдерінде мемлекеттік шығыстарды өсіруді және жоғары экономикалық белсенділік кезеңдерінде мемлекеттік шығыстарды тежеуді білдіреді. Екіншіден, жаңа экономикалық саясат біздің экономикамыздағы құрылымдық реформаларды жалғастыруға бағытталатын болады. Бұл бәсекеге қабілеттілікті, өнімділікті арттыру, экономиканың құрылымын, оның жаңа тауарлар шығару мен қызметтер ұсыну қабілетін жақсартуды білдіреді. Сондықтан Ұлттық қордың жаңа инвестициялары экономиканы одан әрі қайта жаңартуға бағытталады. Ең алдымен, бұл – көлік, энергетика, индустриялық және әлеуметтік инфрақұрылымды, шағын және орта бизнесті дамыту», - деді министр.

ҚР Ұлттық экономика министрлігі Елбасының «Нұрлы жол – Болашаққа Бастар Жол» Жолдауын мерзімінде іске асыру мақсатында 25 шарадан тұратын Жалпыұлттық жоспар дайындағандығы жөнінде министр атап өтті. «Бұл құжат Жолдауды іске асыру бойынша алғышартты шараларды қабылдауды қарастырып отыр. Оның ішінді «2015-2019 жылдарға арналған Инфрақұрылымдық дамудың мемлекеттік бағдарламасын» дайындау. Ол министрлік тарапынан әзірленуі тиіс екенін атап өтті.

Ведомствоның баспасөз қызметі хабарлағандай, мемлекеттік бағдарламада Мемлекет басшысының Жолдауында айтылған негізгі 7 бағыт қамтылған. Олар: елдің көліктік-логистикалық инфрақұрылымын дамыту; индустриялдық және туризм инфрақұрылымын дамыту; энергетикалық инфрақұрылымды дамыту; тұрғын-үй коммуналдық шаруашылығын, су және жылумен қамтамасыз ету желілерін жаңғырту; тұрғын-үй инфрақұрылымын нығайту; әлеуметтік инфрақұрылымды дамыту; шағын, орта бизнесті және іскерлік белсенділікті қолдау.

« Мемлекеттік бағдарлама жобасында әрбір бағыт бойынша арнайы бөлімдер, оларда негізгі тетіктері, қаржы инструменттері мен басымдылық жобалардың іске асырылу мерзімдері нақтыланғанын», - Министр айтып өтті. Мемлекеттік бағдарлама жобасы ағымдағы айдың соңына дейін Мемлекет басшысыныі қарауына енгізілетін болады.

Алқа отырысына Қазақстан Республикасы Парламенті Мәжілісінің депутаты, Қаржы және бюджет комитетінің төрайымы Гүлжан Жанпейісқызы Қарақұсова, ҚР Қаржы вице-министрі Ардақ Теңгебаев, ҚР Инвестициялар және даму министрлігінің байланыс, ақпараттандыру және ақпарат комитетітінің төрағасы Сәкен Сәрсенов, Президент Әкімшілігі мемлекеттік бақылау және ұйымдастыру – аумақтық жұмыс бөлімінің бас инспекторы Еркеғали Әлімқұлов қатысты.

ҰСЫНЫЛАДЫ

Барлық жаңалықтар

дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды