• Басты
  • Астанадағы жаңа аула клубына 500-дей адам қатыса алады (ФОТО)
4 Желтоқсан, 2014 19:32

Астанадағы жаңа аула клубына 500-дей адам қатыса алады (ФОТО)

Астанада «Жас қанат» атты жаңа аула клубы ашылды, деп хабарлайды Астана қаласының ішкі саясат басқармасы.
Астанадағы жаңа аула клубына 500-дей адам қатыса алады (ФОТО)

Хабарламада айтылғандай, орталық барлық қажетті құрылғы және қондырғылармен жарақтандырылған. Жалпы ауданы 415 шаршы метрлік клубта 20 шақты үйірме жұмыс істейтін болады. Атап айтар болсақ: би залы, бейнелеу өнері, дзюдо, бокс, карате, еркін күрес, таэквандо, шахмат, үстел теннисі, әуе модельдеу, танк шебері, ағаш және металл ұсталығы.

Сонымен қатар, музыка қызығушыларына арналған да арнайы зал бар. Онда домбыра, барабан, гитара, синтезаторе, пианино секілді көптеген аспаптарды меңгеруге мүмкіндік жасалған.

Басқарманың хабарлауынша, күн сайын аула  клубы 6-29 жас аралығындағы 300-500 шақты адамды қабылдай алады.

Айта кету керек, аула клубтарының басты міндеттемелерінің бірі – жастардың бос уақытын тиімді пайдалануға мүмкіндік беру, жастар мен жасөспірімдердің тәрбиесіне үлес қосу, балалардың әлеуметтік жағдайларын арттыру, халық арасында Отан мен туған жерге деген патриоттық сезімді арттыру.

Барлық жаңалықтар