Ақмола облысында газбетондық блоктар мен жылылықты сақтайтын материалдар өндірілетін болады

4 Желтоқсан, 2014 15:49

Ақмола облысының әкімі Сергей Кулагин Бұланды ауданына барған жұмыс сапарында жылына қуаттылығы 50 000 текше метр болатын газбетондық блоктар мен жылылықты сақтайтын материалдар шығаратын зауыттың құрылысын тамашалады, деп өңірдің әкімдігі хабарлады.

Жобаның жалпы құны 950 млн теңге. Қазіргі таңда бұл жерде құрылыс-монтаждық жұмыстары жүргізілуде. Нысанды 2015 жылдың сәуірінде беру жоспарланған.

Сондай-ақ, Макинск қаласында базальт негізіндегі жылылықты сақтайтын материалдар өндірісі нысанын салу жоспарланған. Оның қуаттылығы жылына 34 000 тонна. Жобаның құны 5 млрд 552 млн теңгеге бағалануда. Қазіргі таңда құрылыс материалдары жүргізілуде. Отандық жылылық сақтайтын материалдар зауытын келер жылы ашу жоспарланған.

«Бизнестің дамуы – сәтті экономиканың негізі.Мемлекет басшысы өз Жолдауында елдегі шағын және орта бизнесті дамыту маңыздылығын атап өткен болатын. Оның дамуына халықтың әлеуметтік жағдайы, жұмыссыздық деңгейі, әлеуметтік әлеуеті тәуклді. Біз отандық тауар өндірушілерді дамытатын боламыз», - деді С.Кулагин.

Бұланды ауданына барған жұмыс сапарында аймақ басшысы ауыл мектептерін аралады. Олардың хал-ахуалын бақылап, оқушылар мен ұстаздармен әңгімелесті.